काठमाडौं । नेफ्स्कूनको प्राविधिक सहयोगमा अर्थव साकोस, चितवनको ३ दिवसीय संस्थागत विकास तालिम शुरु भएको छ । पोखरामा फागुन २१ गते सम्म सञ्चालन हुने तालिममा संस्थाका सञ्चालक समिति, लेखा सुपरिवेक्षण समिति, विभिन्न उपसमिति एवम व्यवस्थापनबाट गरी २२ जनाको सहभागीता रहेको छ । तालिम सहजीकरण नेफ्स्कूनका वरिष्ठ अधिकृत भरत प्रसाद न्यौपाने, कार्यक्रम अधिकृत बिदुर खड्का, तालिम अधिकृत सुमन राज घिमिरेले गर्नुभएको छ । तालिम उद्घाटनको क्रममा नेफ्स्कून निवर्तमान सञ्चालक भरत दवाडी, जिल्ला वचत सघं चितवनका सञ्चालक सदस्य आनन्द पाण्डेको पनि उपस्थिति थियो । कार्यक्रम उद्घाटन सत्रमा उपाध्यक्ष शिव प्रसाद तिवारीले स्वागत मन्तव्य राख्नु भएको थियो भने कार्यक्रमका सभापित अध्यक्ष विजया भण्डारी लम्सालले  तालिम साकोसको सस्ंथागत विकासका लागि प्रभावकारी बन्ने विश्वाससहित शुभकामना व्यक्त गर्नुभयो ।