पोखरा । काठमाडांै, कास्की, धरान र नवलपरासी सुस्तापूर्व मा सञ्चालित बचत तथा ऋण सहकारी संस्थाका साकोस व्यवस्थापकहरुको क्षमता अभिबृद्धि तालिम (Credit Union Manager's Competency Course Training(CUMCC) पोखरामा शुरु भएको छ । तालिममा २ महिला र १५ पुरुष गरी १७ जना साकोस व्यवस्थापकहरुको सहभागिता रहेको छ ।

नेफ्स्कूनका महासचिव दामोदर अधिकारीले उद्घाटन गर्नुभएको तालिमको अध्यक्षता सञ्चालक कमला देवी गिरीले गर्नुभएको थियो भने संघका काेषाध्यक्ष दिपक पनेरुको बिशेष आतिथ्यता रहेको थियो ।  

तालिम फागुन २१ देखि २५ गते सम्म सञ्चालन हुनेछ । नेफ्स्कूनको आयोजनामा सञ्चालित उक्त तालिम सहजीकरण संघका प्रशासन तथा समन्वय विभाग प्रमुख सञ्जयराज तिमल्सिना र बरिष्ठ अधिकृत भरत न्यौपानेले सहजीकरण गर्नुभएको छ । तालिमको पहिलो दिन पोखरा रोयल साकोसका प्रमुख प्रबन्धक मिलन ढकालले उत्प्रेरणात्मक कक्षा कक्षा सञ्चालन गर्नुभएको थियो ।