सुधा बाँस्कोटा ढकाल
काठमाडौं
 

नारीको दुःखको साथी सहकारी बन्यो यहाँ
सहकारी हुँदा साथी ! रहन्थ्यो दुख पो् कहाँ ।

हो कस्तो मेल यो नौलो नारी र सहकारिको
दुःख पिडा अभावैको सबै घाउ हुने निको ।

रोजगारी बढाको छ बेरोज्गारी घट्यो सबै
सहकारी त देशैमा उन्नतीमा डट्यो सँधै ।

नौलो यो मार्ग हो हेर विकास पथ खोलने
प्रगति तर्फ लम्केर समृद्दीतर्फ दौडने ।

देशको अर्थतन्त्रैको बलियो मेरुदण्ड यो
सहकारी बने देश बन्छ यो सत्य तथ्य हो ।

बढायो सहकारीले उच्च उद्यमशीलता
बढायो आत्मबिश्वासै बढायो हेर धिरता ।

समृद्दीको नयाँ बाटो देखाको यसले त हो
उन्नतिको मिठो लक्ष्य देखाउने यही न हो ।

बन्नेछ जिन्दगी राम्रो सहकारी बिकासले
हुँदैछ देश यो झल्मल यसको नै प्रकाशले । 

समाप्त