मंगलबार ४ कात्तिक, २०८३, Tue, 20 Oct, 2026
काठमाडौं । जनमुखी बचत तथा ऋण सहकारी संस्था लि. को आयोजना एवम् नेफ्स्कूनको प्राविधिक सहयोगमा भक्तपुरको नगरकोटमा संचालकहरुको क्षमता अभिवृद्धि CUDCC तालिम प्रारम्भ भएको छ । संस्थाका संचालक, लेखा सुपरीवेक्षण समिति, उपसमिति सदस्यहरु र उच्च व्यवस्थापन गरी २४ जना सहभागी उक्त तालिम चैत्र ७ गते सुरु भइ चैत १० गतेसम्म संचालन हुनेछ । संक्षिप्त कार्यक्रम बीच संस्थाका अध्यक्ष माधवप्रसाद दहालले तालिमको औपचारिक उद्घाटन गर्नुभयो ।
उद्घाटन कार्यक्रममा नेफ्स्कून प्राचार्य गणेशप्रसाद तिमल्सिनाले तालिमको विषय बस्तु र तालिमको महत्वको बारेमा मन्तव्य राख्नु भएको थियो । संस्थाका अध्यक्ष माधवप्रसाद दहालको अध्यक्षता, उपाध्यक्ष गीताकृष्ण शर्माको स्वागत मन्तव्य र संस्थाका सचिव लक्ष्मण चौलागाईले संचालन गरी सुरु भएको तालिमको सहजीकरण नेफ्स्कून प्राचार्य गणेशप्रसाद तिमल्सिना र कार्यक्रम अधिकृत रामकृष्ण भट्टराईले गर्नुभएको छ ।
जनमुखी साकोसले लगातार दुई पटक प्रोवेसन ब्राण्ड प्राप्त गरी हाल एक्सेस कार्यक्रममा आवद्ध भै सदस्यको सन्तुष्टीलाई केन्द्रमा राखि आफ्ना कार्यक्रमहरु गर्दै आइ रहेको छ । दोलखाको ग्रामीण क्षेत्रका १८ हजार बढि सदस्यहरु मार्फत ९० करोड भन्दा बढि सम्पत्तीलाई सदस्य माझ परीचालन गरिरहेको छ । 
