काठमाडौं । नेफ्स्कूनले आफ्ना सदस्य संस्थाहरुको सहजताका लागि अन्तर साकोस भुक्तानी सेवा आजबाट सुरु गर्न लागेको छ । प्रविधिकरणको खुट्किलो उक्लदै नेफ्स्कूनले यो सेवा प्रदान गर्न लागेको हो । अपरान्ह १ बजे जुम एप्लिकेशनका माध्यमबाट आयोजना गरिने अभौतिक कार्यक्रममार्फत अन्तर साकोस भुक्तानी सेवा सुरु हुन लागेको हो । औपचारिक तवरमा सेवा प्रारम्भ भएसँगै अब नेफ्स्कूनका सदस्य साकोसहरुद्धारा जारी भुक्तानी पूर्जा फरफारक तथा अन्तर साकोस सदस्यहरुबीच भुक्तानी सेवामा सहजता हुने छ । 

नेफ्स्कूनले यसको तयारी स्वरुप बैशाख १७ गते शुक्रबारबाट सफलतापूर्वक परिक्षण गरिरहेको छ । आजको कार्यक्रममा सहभागिताका लागि नेफ्स्कूनले सबै संघ संस्थाहरुलाई  हार्दिक आमन्त्रण समेत गरेको छ ।