काठमाडौं । सिन्धुली जिल्लाका ८ बचत तथा ऋण सहकारी संस्थाहरु नेफ्स्कूनले सञ्चालन गरेको जोखिममा आधारित साकोस सुपरिवेक्षण कार्यक्रम कर्ब्समा आबद्ध भएका छन् । 

साउन २५, ३० र ३१ गते जिल्ला बचत संघ सिन्धुली र नेफ्स्कून विच त्रिपक्षिय सम्झौता मार्फत सिन्धुली जिल्ला भरबाट उक्त ८ बचत तथा ऋण सहकारी संस्था आवद्ध भएका हुन् । कार्यक्रममा आवद्ध भएका साकोसहरुमा सिन्धुलीश्री साकोस कमलामाई ६, सिद्धबाबा साकोस कमलामाई ६, सरस्वती साकोस कमलामाई ११, भगवती साकोस कमलामाई १, जलकन्या साकोस कमलामाई ३, दिपमाला साकोस सुनकोसी ३, जनकल्याण साकोस सुनकोशी ३ र नेक्सस साकोस गोलन्जोर ७ रहेका छन् ।

कार्यक्रममा साकोसको तर्फबाट अध्यक्ष तथा व्यवस्थापक, जिल्ला संघको तर्फ बाट अध्यक्ष विमला श्रेष्ठ, महासचिव मिथुला घिमिरे र कार्यक्रम अधिकृत शारदा प्रसाद पहाडी तथा नेफ्स्कूनको तर्फ बाट अनुगमन अधिकृत श्यामराजा तिमल्सिना द्वारा संयुक्त रुपमा हस्ताक्षर गरी उक्त सम्झौता सम्पन्न भएको हो । 

सहकारीहरुलाई जोखिम रहित बनाउदै संस्थागत क्षमता विकास गरी स्तरीय सेवा प्रवाह गर्न सहज बनाउने हेतुले कर्ब्स कार्यक्रममा आबद्ध भएको सहभागी सहकारीकर्मीहरुले बताउनुभएको थियो ।