काठमाडौं । नेपाल बचत तथा ऋण केन्द्रीय सहकारी संघ लि.(नेफ्स्कून) ले आज साउन ३२ गते संघको ३४औं स्थापना दिवसको अवसरमा एकसाथ ५ पुस्तक तथा निर्देशिका विमोचन गरेको छ । 

कार्यक्रमका विशिष्ट अतिथि पूर्व मन्त्री तथा राष्ट्रिय सहकारी महासंघ लि. का निवर्तमान अध्यक्ष केशव प्रसाद बडाल, महासंघका अध्यक्ष मीनराज कंडेल, विभागका रजिष्ट्रार लिला प्रसाद शर्मा, प्रदेश सभा सदस्य तथा राष्ट्रिय सहकारी महासंघका सञ्चालक तारा लामा तामाङ, राष्ट्रिय युवा परिषद्का कार्यकारी उपाध्यक्ष माधव ढुंगेल, नेफ्स्कूनका अध्यक्ष परितोष पौड्याल, पूर्व अध्यक्ष ऋषिराज घिमिरे, निवर्तमान अध्यक्ष डी.बी. बस्नेत लगायतले पुस्तक तथा निर्देशिकाको विमोचन गर्नुभएको थियो । 

कथा पैसाको– वित्तीय साक्षरता सम्बन्धी पुस्तक, पूर्ण तथा व्यावसायिक साकोस विकास कार्यक्रम सम्बन्धी निर्देशिका, जोखिममा आधारित साकोस सुपरिवेक्षण कार्यक्रम सम्बन्धी निर्देशिका, विपद् जोखिम न्यूनीकरण सम्बन्धी दिर्नेशिका र ३४औं स्थापना दिवस विशेष प्रकाशनको विमोचन गरिएको थियो ।