काभ्रे । नेपाल वचत तथा ऋण केन्द्रिय सहकारी संघ लि. (नेफ्स्कुन) द्वारा संचालित प्रोवेसन कार्यक्रम अन्तरगत बागमती क्लष्टर प्रथमको ५ औं कार्यकुशलता तथा सिकाई व्यवस्थापन कार्यशाला काभ्रे वनेपा स्थित वनेपा साकोसको अयोजना तथा नेफ्स्कूनको प्राविधिक सहयोगमा असोज १५ गते काभ्रे बनेपामा सम्पन्न भयो । वनेपा साकोसका अध्यक्ष अमन पोटे श्रेष्ठको अध्यक्षता र नेफ्स्कूनका अध्यक्ष परितोष पौड्यालको प्रमुख आतिथ्यतामा सम्पन्न कार्यक्रममा वागमती क्लष्टर चौथोमा आवद्ध साकोसहरुका प्रतिनिधि तथा आयोजक साकोसका समेत गरी ३१ जनाको सहभागिता रहेको थियो ।

अबको साकोस अभियान प्रविधिमैत्री हुनेपर्ने त्यसका लागि नेफ्स्कूनले अत्याधुनिक प्रविधिको रुपमा ERP निर्माण प्रक्रियालाई तिव्रता दिएको जानकारी गराउनुको साथै अहिले अभियानले सहकारी ऐनले व्यवस्था गरेको कर्जा सूचना केन्द्र  र ऋण असुली न्याधिकरणको स्थापना र संचालनका लागि राज्यसंग लविङ गरिरहेको र  नेफ्स्कूनले साकोस अभियानलाई दिगो र सुशासन युक्त बनाउने उद्देश्यले स्तरिकरण कार्यक्रम र स्थिरिकरण कोषलाई एक रथको दुई पांग्राको रुपमा अगाडि बढाएको र यी दुवै कार्यक्रममा साकोसहरुलाई सहभागि हुन आग्रह गर्नुभएको  थियो ।

नेफ्स्कून कार्यक्रम अधिकृत कोमल राज अधिकारीले सहजिकरण गर्नुभएको  कार्यशालाले साकोसको व्यवसायिक करण, सदस्य सुरक्षा र संस्थाको गुणस्तर वृद्धिका लागि विभिन्न निर्णयहरु गर्दै आगामि छैंटौं कार्यशाला  पौष १६ गते वंगलामुखि साकोस भक्तपुरको अयोजनामा सम्पन्न गर्ने निर्णय गर्दै समापन गरिएको थियो ।