सुर्खेत । जिल्लाको वीरेन्द्रनगरस्थित पिपलबोट बचत तथा ऋण सहकारी संस्था लि. कोे १९ औं बार्षिक साधारणसभा हिजो सम्पन्न भएको छ । सभामा संस्थाका अध्यक्ष टेकराज कोइरालाले बार्षिक प्रगती प्रतिवेदन र  कोषाध्यक्ष खेमराज रावतले आर्थिक प्रतिवेदन तथा आगामी बर्षको बजेट प्रस्तुत गर्नुभएको थियो । 

स्थानीय समाजसेवी नेत्र बहादुर कार्की सहित २७ जनाको समुहद्वारा आजभन्दा २० बर्ष अगाडि उक्त संस्था स्थापना भएको थियो । संस्थामा हाल १ हजार ८ सय २८ सदस्य रहेका छन् भने संस्थागत कुल पुँजी १३ करोड २३ लाख पुगेको छ । २ हजार ७ सय रुपैंयाबाट सुरु भएको संस्थाले आज सहकारीका मूल्य, मान्यता, नीति, विधि अनुरुप कारोबार सञ्चालन गर्दै अगाडि बढेको संस्थाका सचिव मनिराम भण्डारीले जानकारी गराउनुभयो । 

साधारणसभाले बल बहादुर सार्कीको अध्यक्षतामा नयाँ नेतृत्व चयन गरेको छ । सार्कीको अध्यक्षतामा गठिन नौ सदस्यीय सञ्चालक समितिको उपाध्यक्षमा मनिराम भण्डारी, सचिवमा गणेशमान खनाल र कोषाध्यक्षमा खेमराज रावत चयन हुनुभएको छ भने सदस्यहरुमा सरिता बुढाथोकी, तारा बिष्ट, अशोक कुमार गाहा मगर, मान बहादुर बसेल र रेशम प्रसाद ढकाल निर्विरोध चयन हुनुभएको छ । 

यस्तै डिल्लीराम लम्सालको संयोजकत्वमा ३ सदस्यीय लेखा सुपरीवेक्षण समिति चयन गरिएको छ । सुपरीवेक्षण समितिमा सरिता पन्त कंडेल र किरण किशोर सापकोटा सदस्य चयन हुनुभएको छ ।