काठमाडौं । काभ्रे जिल्ला बचत तथा ऋण सहकारी संघ लि.को अधिवेशन सहितको २४औं बार्षिक साधारणसभा हिजो सम्पन्न भएको छ । सभाले जितेन्द्र नकर्मीको अध्यक्षतामा १३ सदस्यीय सञ्चालक समिति र शिवप्रसाद आचार्यको संयोजकत्वमा ३ सदस्यीय लेखा सुपरिवेक्षण समिति निर्वाचित गरेको छ ।

सभाले सहसचिव र लेखा संयोजक पदमा निर्विरोध निर्वाचित गरेको थियो भने अन्य पदहरुमा निर्वाचन भएको थियो । समितिको उपाध्यक्षमा सागरनाथ कपाली, उपाध्यक्ष (महिला) निर्मला श्रेष्ठ, सचिवमा सुरेन्दप्रसाद पौडेल, कोषाध्यक्षमा जीवन श्रेष्ठ,  सहसचिवमा विकास वादे, निर्वाचित हुनुभएको छ । त्यसैगरि सदस्यहरुमा सत्यदेवी भटराई, विनोद सापकोटा, रुशन श्रेष्ठ, बालकृष्ण दाहाल, ज्ञानु दाहाल, गणेश कुमार तामाङ, रमेशप्रसाद न्यौपाने निर्वाचित हुनुभएको छ भने लेखा सुपरीवेक्षण समिति सदस्यहरुमा पुष्पराज कोइराला, दिपेन्द्र श्रेष्ठ चयन हुनुभएको छ । 

संघका अध्यक्ष रामहरि के.सी.को अध्यक्षतामा आयोजित सभाको उद्घाटन प्रमुख अतिथि नेफ्स्कूनका अध्यक्ष परितोष पौड्यालले गर्नुभएको थियो ।  कार्यक्रममा विशिष्ठ अतिथिमा प्रदेश बचत संघका अध्यक्ष उद्धव सापकोटा, पत्रकार महासंघका जिल्ला अध्यक्ष र स्थानीय सहकारीकर्मीहरुको उपस्थिति रहेको थियो ।