काठमाडौं । राष्ट्रिय सहकारी महासंघले ‘उत्कृष्ट सहकारी व्यवसाय पुरस्कार– २०७८’ अन्तर्गत सुदुरपश्चिम प्रदेशबाट कैलालीको गोदावरी नगरपालिका–८ जमुनानगर स्थित एकता प्रगतिशील बचत तथा ऋण सहकारी संस्था लि. लाई सम्मानित गर्ने घोषणा गरेको छ । 

राष्ट्रिय सहकारी महासंघले ६५ औं राष्ट्रिय सहकारी दिवसका अवसरमा शनिबार आयोजना गरेको बिशेष समारोहमा उक्त घोषणा गरेको हो । उक्त पुरस्कार आगामी अन्तर्राष्ट्रिय सहकारी दिवसको अवसरमा प्रदान गरिनेछ । 

महासंघबाट पुरस्कृत घोषित भए लगत्तै एकता प्रगतिशीले साकोसका अध्यक्ष सुरत बहादु बोगटीले पुरस्कारबाट प्रेरणा थपिएको भन्दै सदस्यहरुको सेवामा थप उर्जाका साथ प्रतिबद्ध भएर लाग्ने बताउनुभयो । नेफ्स्कूनका कंचनपुर फिल्ड ब्यवस्थापन समितिमा सदस्य समेत रहनुभएका अध्यक्ष बोगटीले ‘सदस्यहरुको आकाङ्गक्षा र आवश्यकता अनुसार काम गर्दै जाँदा सम्मानित हुने अवसर पाइयो भन्नुभयो । उहाँले सिङ्गो एकता प्रगतिशील साकोसको टीमलाई विश्वास र भरोसाका लागि धन्यवाद समेत दिनुभयो ।