सुनवल । श्रम तथा रोजगार कार्यालय रुपन्देही वुटवलको आयोजना तथा नेपाल बचत तथा ऋण केन्द्रीय सहकारी संघ लि. नेफ्स्कून फिल्ड कार्यालय बुटवल अन्तर्गत भूमही सेवा केन्द्रको समन्वयमा श्रम अडिट तथा श्रम कानुन सम्बन्धी जनचेतना कार्यक्रम आज भूमहीमा सञ्चालन भएको छ । 

रोजगारदातालाई लक्षित गरि आयोजना गरिएको उक्त कार्यक्रममा नेफ्स्कूनमा आबद्ध बचत तथा ऋण सहकारी संस्थाहरुबाट ५२ जना सहित ६५ जनाको सहभागिता रहेको थियो । 

श्रम कार्यालयका बरिष्ठ श्रम अधिकृत गिरीराज ज्ञवालीको अध्यक्षतामा आयोजित कार्यक्रममा प्रमुख अतिथि नेफ्स्कून  सदस्य सेवा व्यवस्थापन उपसमिति सदस्य लेखनाथ खरेल रहनुभएको थियो । 

श्रम कानुन सम्बन्धी महत्वका विषयमा श्रम कार्यालय वुटवलका प्राविधिक इन्जीनियर कमल पौडेल, श्रम अडिट सम्बन्धी विषयमा बरिष्ठ श्रम अधिकृत गिरीराज ज्ञवाली र गुनासो सम्बन्धी व्यवस्था र कानुनी उपचार विषयमा श्रम अधिकृत दामोदर अधिकारीको प्रस्तुतीकरण रहेको थियो । 

कार्यक्रममा स्वागत मन्तव्य श्रम कार्यालयका शाखा अधिकृत दामोदर अधिकारीले गर्नुभएको थियो ।

कार्यक्रममा सूचना तथा सञ्चार सहकारी संस्था, परासीका व्यवस्थापक मेघनाथ गौतम, दाउन्ने सूचना तथा सञ्चार सहकारी संस्थाको वर्दघाटका स्टेशन म्यानेजर मोहन पौडेल, नेफ्स्कून रुपन्देही फिल्ड कार्यालयका इन्चार्ज छत्र प्रसाद जैशी, भूमही सेवा केन्द्र इन्चार्ज नेत्र प्रसाद सापकाेटा लगायतको उपस्थिति रहेको थियो ।