दोलखाका बचत तथा ऋण सहकारी संस्थाहरुलाई सहकारी तथा गरिबी सम्बन्धी व्यवस्थापन सूचना प्रणाली (कोपोमिस) तालिम प्रदान गरिएको छ । तालिममा जिल्लाभरका बचत तथा ऋण सहकारी संस्थाबाट ७६ जनाको सहभागिता रहेको थियो ।  एक दिवसीय उक्त तालिमको उद्घाटन नेफ्स्कूनका सञ्चालक सदस्य जिवसराज खड्काले गर्नुभएको थियो । कार्यक्रममा दोलखा बचत संघका उपाध्यक्ष जगत प्रसाद सुवेदीको आतिथ्यता रहेको थियो ।

नेफ्स्कूनका सञ्चालक खड्काले सहकारीको बारेमा चर्चा गर्दै सञ्चालक तथा व्यवस्थापकले सदस्य सँग उठाएको बचतको सुरक्षण गर्दै त्यसवाट प्रतिफल आर्जन गरी सदस्यको जिवनस्तर उकास्नुपर्ने वताउनुभयो । अव सहकारीलेहरुले नीति, विधि र प्रविधिमा जोड दिदै स्तरीकरण र स्थिरीकरणमा अनिवार्य आवद्ध नभएमा सहकारी सञ्चालन तथा निरन्तरतामा कठिन हुने बताउनुभयो । साथै कोपोमिसमा अनिवार्य समस्टिगत विवरण भरी नियमक निकायलाई सहयोग गर्नुपर्ने बताउनुभयो । 

तालिमको सहजिकरण नेफ्स्कूनका सुचना प्रविधि अधिकृत प्रविण अधिकारीले गर्नुभएको थियो भने कार्यक्रम संञ्चालन दोलखा फिल्ड कार्यालयका कार्यक्रम अधिकृत पवन घिमिरेले गर्नुभएको थियो ।