काठमाडौं । जिल्ला बचत संघ झापको आयोजना साथै सन नेपाल लाईफ इन्स्योरेन्सको प्रायोजनमा गत शनिबार (भाद्र ४ गते) झापाका साकोस प्रतिनिधिहरुका लागि कर्जा व्यवस्थापन तालिम प्रदान गरिएको छ । 

तालिममा जिल्लाका विभिन्न बचत तथा ऋण सहकारी संस्थाबाट १ सय ७५ जनाको सहभागिता रहेको थियो ।

तालिम उद्घाटन समारोहमा झापा जिल्ला बचत संघका अध्यक्ष तुलाराम न्यौपानेको अध्यक्षता,  राष्ट्रिय सहकारी महासंघका सञ्चालक गणेश ढकालको प्रमुख आतिथ्यता र नेफ्स्कूनका सञ्चालक सदस्य घनश्याम अधिकारीको विशेष आतिथ्यता रहेको थियो । 

 तालिम सहजीकरण नेफ्स्कूनका बरिष्ठ कार्यक्रम अधिकृत प्रेमनाथ वाग्ले र सन् लाईफ इन्सुरेन्सकी सुमना खनालले गर्नुभएको थियो । तालिम कार्यक्रममा सन् लाईफ इन्स्योरेन्सका प्रतिनिधि साथै नेफ्स्कून झापा फिल्ड कार्यालयका कर्मचारीहरु सहभागी हुनुुहुन्थ्यो । बचत संघकी व्यवस्थापक कोपीला बजगाईले कार्यक्रम बारे सहभागीहरुलाई जानकारी गराउनुभएको थियो ।