जनकपुरधाम । जनकपुरधाम पिडारीचोकस्थित राष्ट्रिय बचत तथा ऋण सहकारी संस्था लिमिटेडको २१औं वार्षिक साधारणसभा सम्पन्न भएको छ । साधारणसभाको अवसरमा पारेर साकोसले सदस्यहरुका लागि एटिएम सेवाको समेत शुभारम्भ गरको छ ।  

साधारणसभामा संस्थाका अध्यक्ष विद्याकर प्रसाद साहको अध्यक्षता तथा जनकपुरधाम उपमहानगरपालिकाका उप–प्रमुख किशोरी साहको प्रमुख आतिथ्यता रहेको थियो ।  

साधारणसभामा अध्यक्ष साहले साकोसको चालु आर्थिक वर्ष २०७९–०८० को वार्षिक कार्य योजना तथा अनुमानित आयव्यय र गत आ.व.को प्रगति प्रतिवेदन प्रस्तुत गर्नुभएको थियो । 

गत आर्थिक वर्ष २०७८/०७९ को असार मसान्तसम्ममा १ करोड १२ लाख ७३ हजार ५ सय ९१ रुपैयाँ आम्दानी गरेको साकोसले चालु आ.व.मा १ करोड ७१ लाख ३० रुपैयाँ आम्दानी गर्ने अनुमानित बजेट पेश गरको छ ।  साकोसले १० लाख ३८ हजार ४ सय ९९ रुपैयाँ बचत संकलन र २०७९ भदौ मसान्तसम्ममा ६ करोड ५० लाख २० हजार १ सय ८७ रुपैयाँ ऋण लगानी गरेको जनाएको छ । 

जम्मा १ हजार ३ सय ३८ शेयर सदस्य रहेको राष्ट्रिय बचत तथा ऋण सहकारीको शेयर पुँजी ६९ लाख ८२ हजार ५ सय रहेको छ । संस्थामा १ सय ९३ जना ऋणी रहेको प्रतिवेदनमा उल्लेख छ ।