मोरङ । पथरी शनिश्चरेमा रहेको मनकामना बचत तथा ऋण सहकारी संस्था लि.ले सञ्चालकहरुको क्षमता अभिवृद्धि तालिम (सियुडिसिसि) सम्पन्न गरेको छ । आश्विन २६ देखि २९ गतेसम्म धनकुटाको पाख्रिबासमा नेफ्स्कूनको प्राविधिक सहयोगमा सञ्चालित तालिम साकोसका अध्यक्ष युवराज भट्टराईको अध्यक्षतामा सुरु भएको थियो । तालिममा साकोसका पदाधिकारी, सञ्चालक समिति सदस्यहरु, लेखा सुपरिवेक्षण समितिका संयोजक, सदस्यहरु, उपसमिति सदस्यहरु तथा कर्मचारीको सहभागिता रहेको थियो ।

तालिमको सहजीकरण नेफ्स्कूनका बरिष्ठ कार्यक्रम अधिकृत प्रेमनाथ वाग्ले र तालिम अधिकृत उमेश कोइरालाले गर्नुभएको थियो ।  

सञ्चालकहरुको क्षमता अभिवृद्धि तालिम अत्यन्त उपलब्धीमूलक रहेको र तालिमबाट सिकेका ज्ञान सीप साकोसमा पूर्ण कार्यान्वयनमा ल्याउने प्रतिवद्धता सहभागीहरुले गरेका थिए । तालिम १६ बुँदे कार्ययोजना सहित समापन भएको थियो । विगतका बर्षहरुमा एशियाली स्तरको गुणस्तर सुनिश्चितताको कार्यक्रम एक्सेसमा मनकामना साकोस ब्राण्ड प्राप्त गर्न सफल साकोस हो । साकोसको कुल वासलात रु. ५१ करोड रहेको छ ।