काठमाडौं । आज विहान लुटेराहरुको एक समूहद्वारा गोली लागी घाइते हुनुभएका हरिवनस्थित सगुन बचत तथा ऋण सहकारी संस्था लि.का बरिष्ठ सहायक कर्मचारी साजन कार्की खतरा मुक्त रहेको जानकारीमा आएको छ । साकोसका व्यवस्थापक रविन्द्र रानाले सिमरादेखि ललितपुरको मेडिसिटी अस्पताल ल्याउने क्रममा सहजै दोहोरो सम्बाद भइरहेको र यतिवेला अस्पतालमा प्रारम्भिक उपचार सुरु भएको जानकारी गराउनुभयो । 

बागमती नगरपालिका १, मिलन चोक सदस्य सेवा केन्द्रमा कार्यरत कर्मचारी कार्कीको कार्यकक्षमा नै प्रवेश गरी ३ जना लुटेराहरुको समूहले विहान १०ः ३५ बजे गोली प्रहार गरेका थिए । कर्मचारीको ढाड, पेट, पाखुरा र खुट्टामा चार गोली लागेको छ । घाइते कर्मचारीलाई सिमराबाट हवाइजहाजमार्फत उपचारका लागि ललितपुर मेडिसिटी अस्पताल ल्याइएको हो ।