काठमाडौं । कर्णाली प्रदेशको बीरेन्द्रनगर सुर्खेतमा प्रभावकारी सञ्जाल तथा जिम्मेवार सदस्यको लागि विस्तारित मञ्च कार्यक्रम मंसिर १६ गते सम्पन्न भएको छ । उक्त कार्यक्रम नेफ्स्कूनका सञ्चालक यज्ञप्रसाद ढकालकोे अध्यक्षता र नेफ्स्कूनका उपाध्यक्ष शान्ति अधिकारीको प्रमुख आतिथ्यतामा सम्पन्न भएको थियो । कार्यक्रममा अतिथिको रुपमा नेफ्स्कून उद्यमशिल विकास केन्द्रीय उपसमिति सदस्य बीर बहादुर रावत, नेफ्स्कून फिल्ड कार्यालय व्यवस्थापन उपसमिति सदस्य लक्ष्मी कुमारी उपाध्याय र नेफ्स्कूनका सहायक कार्यकारी अधिकृत एवम् प्रशासन तथा वित्त व्यवस्थापन प्रमुख राधेश्याम श्रेष्ठ रहुनु भएको थियो । कार्यक्रममा फिल्ड कार्यालय व्यवस्थापन उपसमिति सदस्य बम बहादुर वि.सी.ले स्वागत मन्तब्य राख्नु भएको कार्यक्रमको सञ्चालन सुर्खेत फिल्ड कार्यालय ईन्चार्ज चन्द्रदेव जोशीले गर्नु भएको थियो । 

कार्यक्रममा संघका सहायक कार्यकारी अधिकृत एवम् प्रशासन तथा वित्त व्यवस्थापन प्रमुख राधेश्याम श्रेष्ठले सहकारीका समसामयिक विषयहरुमा प्रस्तुतीकरण गर्नु भएको थियो । कार्यक्रममा फिल्ड व्यवस्थापन उपसमिति सदस्यहरु र संघमा आबद्ध संघसंस्थाका प्रतिनिधिहरुको उपस्थिति रहेको थियो । कार्यक्रममा प्रस्तुतीकरण पश्चात उपस्थित विभिन्न संघसंस्थाका पदाधिकारी, व्यवस्थापकहरुबाट समूहगत रुपमा छलफल गरि सुझावहरु संकलन गरी गरिएको थियो । 

कार्यक्रममा स्तरीकरण कोषको प्रभावकारीता, स्तरीकरण कार्यक्रम विस्तार, आधारशिला कार्यक्रम, साकोस एकरुपता प्रणालीको विकास र कार्यान्वयनका विषयमा पनि छलफल भएको थियो । भर्खरै सफ्ट लञ्च भएको नयाँ सफ्टवेयर मिराको बारेमा पनि छलफल भएको थियो । सन्दर्भ ब्याजदरका बिषयमा पनि छलफल भएको थियो । कर्णाली प्रदेशका लागि निःशुल्क तालिमको आयोजना गर्नु पर्ने, समय समयमा सहकारी एकीकरण सम्बन्धी गोष्ठि तथा छलफल कार्यक्रमको पनि आयोजना गर्नु पर्ने सुझाव प्राप्त भएको थियो । 

विस्तारित मञ्चमा सहभागिहरुबाट प्राप्त महत्वपूर्ण जिज्ञासा र सकारात्मक सुझावहरुलाई ग्रहण गर्दै संघका उपाध्यक्ष शान्ति अधिकारीले सुझावहरुलाई साधारणसभामा छलफलका लागि लगिने जानकारी गराउनु भयो । आगामी बर्ष देखि बार्षिक रुपमा तय गरिने तालिम, शिक्षा तथा अन्य कार्यक्रमहरु जेठ मसान्त भित्रै सुझाव छलफल गरी संकलन गरिने जानकारी गराउनु भयो । 
आपसी सहयोग र सहकार्यको माध्यमबाट सहकारी अभियान अघि बढाउन सवल र सुदृढ साकोस अभियान निर्माणमा सबैको सुझाव र सल्लाहको सधै खाँचो रहने कुराको जानकारी भयो । 
नेफ्स्कूनको तर्फबाट प्रवाहहुने सेवा, सुविधामा कुनै पनि किसिमको कमिकमजोरी हुन नदिने कुरामा प्रतिवद्ध भएको जानकारी पनि गराउनु भयो । 

कार्यक्रमको अध्यक्षता ग्रहण गरी रहुनु भएका नेफ्स्कूनका सञ्चालक एवम् सुर्खेत फिल्ड कार्यालय संयोजक यज्ञप्रसाद ढकालले कार्यक्रमका सहभागीहरुबाट उठेका जिज्ञासाहरुका सम्बोधन गर्नु भएको थियो । उहाँले नेफ्स्कूनका विभिन्न कार्यक्रममा आवद्ध साकोसहरु नीति, विधि र प्रविधिमा रहेकोले  सहकारीले आफ्ना हरेक क्रियाकलापह प्रविधिमैत्री बनाउँदै लैजानुपर्नेमा जोड दिनुभएको थियो ।