काठमाडौं । नेफ्स्कूनको आयोजनामा मधेश प्रदेशस्तरीय विस्तारित मञ्च शनिवार महोत्तरीको बर्दिबासमा सम्पन्न भएको छ । नेफ्स्कूनका अध्यक्ष परितोष पौड्यालको अध्यक्षतामा सम्पन्न मञ्चको प्रमुख अतिथि मधेश प्रदेश भूमि व्यवस्था, कृषि तथा सहकारी मन्त्रालयकी सचिव नम्रता सिंहले गर्नुभएको थियो । 

कार्यक्रममा नेफ्स्कूनकी सञ्चालक गोमा नेपाल, सञ्चालक घनश्याम अधिकारी, सञ्चालक हरेराम प्रसाद, लेखा सुपरिवेक्षण समिति सदस्य शुभद्रा देवी महतो, राष्ट्रिय सहकारी महासंघकी सञ्चालक एवम् सिन्धुली जिल्ला बचत संघकी अध्यक्ष विमला श्रेष्ठ, प्रदेश सहकारी मन्त्रालयका सहकारी शाखा प्रमुख ओमनारायण झा, नेफ्स्कून जनकपुर, सर्लाही र पर्सा फिल्ड कार्यालयका फिल्ड व्यवस्थापन उपसमिति संयोजक एवम् सदस्यहरु, सप्तरी, सिरहा, धनुषा, महोत्तरी, सर्लाही, रौतहट, बारा पर्सा जिल्लाका जिल्ला बचत संघका प्रतिनिधिहरु, विभिन्न स्थानीय निकायका प्रतिनिधिहरु लगायत मधेश प्रदेशका विभिन्न जिल्लाका संघमा आबद्ध संघ संस्थाका प्रतिनिधिहरु र सम्बन्धित सरोकारावाला निकायका प्रतिनिधिहरु सहित २ सय ४२ जनाको उपस्थिति रहेको थियो ।
 
कार्यक्रम सञ्चालन नेफ्स्कूनका सञ्चालक हरेराम प्रसादले गर्नुभएको थियो भने स्वागत मन्तव्य सञ्चालक गोमा नेपालले गर्नुभएको थियो । कार्यक्रम सहजीकरण नेफ्स्कूनका बरिष्ठ अधिकृत नविनराज दाहालले गर्नुभएको थियो ।