काठमाडौं । एशियाली ऋण महासंघ (अक्कू) फोरम २०२३ नेपालमा आयोजना हुने भएको छ । 

आज नेपाल बचत तथा ऋण  केन्द्रीय सहकारी संघ लि. नेफ्स्कून र अक्कूबीच दिपक्षीय समझदारी भएको छ । एशियाली ऋण महासंघकी प्रमुख कार्यकारी अधिकृत एलिनिता भि स्यान रोक्के र संघका प्रमुख कार्यकारी अधिकृत प्रकाश प्रसाद पोखरेलबीच नेफ्स्कूनका अध्यक्ष परितोष पौड्याल र आक्कूका चिफ अफ टेक्निकल अफिसर रञ्जित हित्तराचीको उपस्थितिमा समझदारी पत्रमा हस्ताक्षर भएको हो । नेफ्स्कून र राष्ट्रिय सहकारी बैंकको संयुक्त आयोजना रहने फोरम आगामी सेप्टेम्बरमा हुने कार्यक्रम तय भएको छ । यसअघि सन् २०२० मा अक्कू फोरम नेपालमा आयोजना गर्ने घोषणा भएको भएपनि कोभिड १९ का कारण स्थगित भएको थियो । सो अवसरमा अक्कूका प्रतिनिधिले नेफ्स्कूनको मुख्य कार्यालय र स्थिरीकरण कोषको सचिवालयको समेत अवलोकन गर्नुभएको थियो ।  

एशियाली ऋण महासंघका अनुसार उक्त कार्यक्रममा २५ भन्दा बढी देशहरुबाट ४०० भन्दा बढी बचत तथा ऋण सहकारी अभियानकर्मीहरुको सहभागीता रहनेछ ।

आजै, एशियाली ऋण महासंघका प्रमूख कार्यकारी अधिकृत र चिफ अफ टेक्निकल अफिसरले भुमि ब्यवस्था, सहकारी तथा गरिबी निवारण मन्त्रालयका सचिव डा.डामोदर रेग्मीसँग भेट गरी नेपालको साकोस अभियानको समसामयिक विषयमा छलफल समेत गर्नुभएको छ ।