कञ्चनपुर । संघको कञ्चनपुर सदस्य सेवा कार्यालयको आयोजनामा सञ्चालित बचत तथा ऋण सहकारी संस्थाहरुलाई लक्षित गरी आयोजना गरिएको दुई दिवसीय सदस्य सेवा सहायकहरुको क्षमता अभिबृद्धि तालिम १९ र २० गते भिमदत्त नगरपालिका महेन्द्रनगर कञ्चनपुरमा सम्पन्न भएको छ । 

नेफस्कूनका सञ्चालक सदस्य माधव प्रसाद जोशीको प्रमुख आतिथ्यतामा तालिमको उद्घाटन सत्र समापन भएको थियो । उक्त सत्रमा कञ्चनपुर बचत संघका अध्यक्ष भवानी चन्द्र, कञ्चनपुर म्यानेजर क्लबका अध्यक्ष गणेश भट्ट, धनगढी सेवा केन्द्र योगेश बोहरा लगायत विभिन्न सहकारीकर्मीहरुको लगायतको उपस्थिति रहेको थियो । 

जोशीले बजार सहायकहरुको तालिमबाट सहभागीहरुले महत्वपूर्ण ज्ञान, सीप आर्जन गर्ने र तालिमबाट सिकेको कुरा व्यवहारमा साथै संस्थागत रुपमा लागु गर्न आग्रह गर्नुभयो । यस्ता तालिमहरु कर्मचारीहरुको क्षमता विकासका लागि महत्वपूर्ण हुर्ने धारणा व्यक्त गर्नुभयो । आगामी दिनमा नेफ्स्कूनले पनि सहकारीहरुलाई लक्षित गरि क्षमता विकासका कार्यक्रमहरु, तालिमहरु आयोजना गर्ने प्रतिबद्धता व्यक्त गदै संस्थालाई समस्या परेको समयमा सहयोग गर्न नेफ्स्कून तयार रहेको धारणा व्यक्त गर्नुभयो । 

तालिममा कञ्चनपुर जिल्लाबाट २४ ओटा साकोसहरु बाट ३० जनाको सहभागिता रहेको थियो । तालिम सहजिकरण संघका तालिम अधिकृत रबिन्द्र श्रेष्ठ र कार्यक्रम सञ्चालन कञ्चनपुर सदस्य सेवा कार्यालयका इन्चार्ज यम डाँगी, व्यवस्थापन सदस्य सेवा कार्यालय व्यवसाय सहायक दिपक राज जोशीले गर्नुभएको थियो ।