गोरखा  । गोरखा जिल्ला भिमसेन थापा गाउँपालिका–८ महादेवटार अवस्थित श्रृजनशिल  बचत तथा ऋण सहकारी संस्था लि. गुणस्तर सुनिश्चितताको कार्यक्रम प्रोबेशनमा आवद्ध भएको छ । प्रोबेशन कार्यक्रम नेफ्स्कूनले सञ्चालन गरेको राष्ट्रिय स्तरको साकोसहरुको गुणस्तर सुनिश्चिता सम्बन्धी पूर्ण तथा व्यावायिक साकोस विकास कार्यक्रम हो । 

नेफ्स्कूनको लमजुङ सदस्य सेवा कार्यालय अन्तर्गत रहेको उक्त साकोस र नेफ्स्कून बिच आश्विन १७ गते एक कार्यक्रम गरि आबद्धता सम्वन्धी सम्झौता पत्रमा हस्ताक्षर भएको छ । गोरखाको भिमसेनथापा गाउँपालिकालाई मुख्य कार्यक्षत्र बनाई समुदायमा आधारित रहेर सञ्चालित श्रृजनशिल  साकोसमा हाल १ हजार ५ सय ९६ जना सदस्य संख्या रहनुका साथै १३ करोड माथिको कुल कारोबार रहेको छ ।

प्रोबेनमा आबद्धता पश्चात संस्थाको वित्तीय जोखिम न्यूनिकरण हुनुका साथै साकोस नीति विधि र पद्धति अनुसार र सहकारी ऐन नियमावली अनुसार चली थप सदस्य मैत्री भई गुणस्तरीय र दिगो वित्तीय कारोबार गर्न मद्दत पुग्नेमा विश्वस्त रहेको संस्थाका कोषाध्यक्ष अमृत श्रेष्ठले बताउनु भयो ।

सम्झौता पत्रमा नेफ्स्कून लमजुङ सदस्य सेवा कार्यालयका कार्यालय प्रमुख बिनोद ढकाल  र संस्थाको तर्फबाट कोषाध्यक्ष अमृत श्रेष्ठ र लेखा संयोजक अर्जुन भट्टले हस्ताक्षर गर्नु भएको थियो ।
उक्त कार्यक्रममा लमजुङ सदस्य सेवा कार्यालयका फिल्ड व्यवस्थापन समिति सदस्य रामबाबु श्रेष्ठ, नेफ्स्कूनका तालिम  अधिकृत उमेश कोइरालाको उपस्थिति रहेको थियो ।

आ.व. २०५२/०५३ मा दर्ता कायम रहेको यस साकोसको शेयर सदस्य संख्या १ हजार ५ सय ९६ पुगेको छ । शेयर पुँजी रु. १ करोड ३७ लाख, बचत रु. १० करोड ६८ लाख  र साकोसको कर्जा लगानी रु. ८ करोड ५९ लाख  रहेको छ ।