सुर्खेत । नेपाल बचत तथा ऋण केन्द्रीय सहकारी संघ लि. (नेफ्स्कून) सुर्खेत सदस्य सेवा कार्यालयको आयोजनामा साकोसहरुका लागि २०८० माघ १८ र १९ गते जनशक्ति तथा कार्यालय व्यवस्थापन तालिम सम्पन्न भएको छ । तालिममा सुर्खेत, दैलेख र अछामका २८ सहकारीसंस्थाबाट २९ जनाको सहभागिता रहेको थियो । 

तालिमको समापन सत्रमा सहभागीहरुकातर्फबाट बोल्दै प्रेम आचार्यले तालिम एकदमै प्रभावकारी भएको बताउनुभयो । तालिमको विषयवस्तु अनुसार समय अभाव भएपनि फरमेट अनुसार भएकोले कार्यालय व्यवस्थापन, कर्मचारी व्यवस्थापन, कर्मचारी छनौट प्रक्रियाको विषयमा एकदमै सरल र सहज रुपमा प्रशिक्षित भएको धारणा राख्नुभयो । आचर्याले तालिम लाभदायक भएको प्रतिक्रिया व्यक्त गर्नुभयो । उहाँले भन्नुभयो, ‘एकदमै सहज र सरल रुपमा बुझ्न पायौं । संस्था चलायमान गर्न कर्मचारीको ठूलो भूमिका रहने भएकाले हामीले सिकेका विषय संस्थामा लागू गर्न सक्यौ भने एकदमै राम्रो हुन्छ भन्ने विश्वास लिएका छौं ।’ 

नेफ्स्कूनका तालिम अधिकृत कोमलराज अधिकारीले सहजीकरण गर्नुभएको तालिम कार्यक्रम सञ्चालन संघको सुर्खेतस्थित सदस्य सेवा कार्यालयका सहायक मदन कुमार चन्दले गर्नु भएको थियो ।