एजेन्सी । उत्तर अमेरिकी मुलुकहरुका क्रेडिट युनियनहरुले आज अर्थात् जुलाई २६ लाई ‘आई लभ माई क्रेडिट युनियन डे’ को रुपमा मनाउने प्रचलन छ । क्रेडिट युनियनहरुको योगदान, यिनको भूमिका र महत्व दर्शाउन खासगरी सामाजिक सञ्जालमा सुरु गरिएको यो अभियानले बिस्तारै वहृत् रुप लिएको हो ।

यो अभियानको उद्देश्य क्रेडिट युनियनमा आवद्ध सञ्चालक, कर्मचारी तथा सदस्यहरुले आफ्नो संस्था र क्रेडिट युनियनको विशेषता झल्कने कार्यक्रमहरु गरी प्रचार प्रसार र जनचेतना अभिवृद्धि गर्ने रहेको छ । क्रेडिट युनियनप्रति सदस्य, सरोकारवाला र समुदायको विश्वास र छवि उच्च बनाउने उद्देश्यका साथ यो दिवस मनाइन्छ ।

यस दिन क्रेडिट युनियनको मूल्य, मान्यता र सिद्धान्त जानकारी गराउने तथा यिनको प्रवर्धनमा भूमिका खेल्ने रचनात्मक कार्यक्रमहरु आयोजना गरिन्छ । यो दिनलाई ‘मेम्बर अप्रिसिएसन डे’ अर्थात् सदस्य प्रशंसा वा कदर दिवस’ का रुपमा समेत मनाइन्छ । 

केही क्रेडिट युनियनहरुले जुलाई २८ लाई यो दिवसका रुपमा मनाउने गरेका छन् ।