गैंडाकोट, नवलपरासी । विकू बचत तथा ऋण सहकारी संस्थाले सस्तो ब्याजदरमा सहज र सहज ऋण सुविधा उपलब्ध गराउने योजना ल्याएको छ । संस्थाले पशुपालन, कृषि तथा हरित ऋण शिर्षकमा वार्षिक ९.९९ प्रतिशत ब्याजदरमा ऋण सुविधा उपलब्ध गराउने योजना ल्याएको हो ।

सदस्यको माग र आवश्यकता सँगै हालको परिस्थिति, बजारको अवस्थालाई मध्यनजर गर्दै सदस्यलाई दिगो, सवल, सक्षम र समृद्ध बनाउनका लागि सर्व सलुभ ऋण योजना ल्याएको संस्थाले जनाएको छ ।

संस्थाको कार्यक्षेत्र रहेको धेरै भूभाग कृषि तथा पशुपालनका लागि सम्भावना बोकेको पकेट क्षेत्र रहेको छ । संस्थामा आबद्ध अधिकांश सदस्यहरु कृषि रपशुपालन पेशा तथा व्यवसायमा संग्लन छन् । यस योजना अन्तर्गत एक हजार सदस्य लाभान्वित हुने संस्थाले जनाएको छ । ३ दिनभित्रमा ऋण उपलब्ध गराउने पनि विकूले जनाएको छ ।