काठमाडौं । सहकारी संस्था बचत रकम दुरुपयोग सम्बन्धमा संसदीय छानविन विशेष समितिले भदौं १६ गते देशभरि महिलाको नेतृत्वमा संचालित ४,१०० सहकारी संस्थाका अध्यक्ष, पदाधिकारी, प्रबन्धक र संचालक सदस्यसहितका नेतृत्वकर्ता महिलाहरूमध्ये प्रतिनिधिमूलक ढंगले छलफल र अन्तर्क्रिया गरेको छ । 

छलफलमा ४२ जना सहकारी संचालकहरूलाई बोलाइएकोमा ३७ जनाको उपस्थिति रहेकोमा ३५ जनाले आआफ्नो संस्था संचालनको अनुभव र स्थिति जानकारी गराउनुभएको थियो । 

समितिको ५० ओै बैठकमा समग्रमा महिलाको नेतृत्वमा रहेका यस्ता सहकारी संस्थाहरू संकटमुक्त, सिद्धान्त र मूल्य, मान्यता आधारित र कानुननियम परिपालनाका दृष्टिले पनि नमुनाय‍ोग्य बन्ने कोशिसमा देखिएको समितिले जनाएको छ । समितिका अनुसार हिजोको अन्तरक्रियामा नेफ्स्कून सञ्चालक मन्दरा मिश्र तथा लेखा सुपरिवेक्षण समिति सदस्य दुर्गा तिवारी सञ्जेलले पनि आफ्नो संस्थाको प्रतिनिधित्व गर्दै अवस्था, अनुभव र सुझाव राख्नुभएको थियो ।