भक्तपुर । ठेचो महिला जागरण बचत तथा ऋण सहकारी संस्थाका सञ्चालकहरुको क्षमता अभिवृद्धि तालिम कार्तिक २५ गते भक्तपुरको नगरकोटमा सम्पन्न भएको छ ।

४ दिवसीय तालिम समापनमा सहभागी नेफ्स्कून सञ्चालक शालिकराम ढकालले संस्था समुदायमा आधारित रही सञ्चालन गर्नुपर्ने भन्दै सदस्यलाई केन्द्रमा राखेर निरन्तर कार्यक्रमहरु गर्दा साकोस दिगो हुने बताउनुभयो ।

उहाँले अहिलेको अवस्थामा पारिवारिक तरिकाबाट सञ्चालित सहकारीमा समस्यमा आएको भन्दै समुदायमा आधारित संस्थामात्रै दिगो हुने स्पष्ट पार्नुभयो । सहकारीमा सदस्यको अपनत्वका लागि सदस्य शिक्षा कार्यक्रमलाई निरन्तर गर्नुपर्नेमा सञ्चालक ढकालले जोड दिनुभयो । 

साकोसकी अध्यक्ष ललिता महर्जनले तालिम एकदमै प्रभावकारी रहेको र सिकेका र बनाइएका कार्ययोजना संस्थामा कार्यन्वय गर्ने प्रतिवद्धता व्यक्त गर्नुभयो ।

साकोसकी उपाध्यक्ष मिना महर्जनले तालिममले संस्थामा आवद्ध मालिकहरुको खण्डीकरण अत्यन्तै महत्वपूर्ण रहेको र तालिमले सो कुराको आवश्यकता, महत्व  बारे स्पष्ट पारेको, सोही अनुरुप संस्थाले सदस्य आवश्यकता सर्वेक्षण र सन्तुष्टि सन्तुष्टीको सर्वेक्षण गरी बस्तु तथा सेवा निर्माण गर्नको लागि तालिमले सक्षमा बनाएको प्रतिक्रिया व्यक्त गर्नुभयो ।

यस्तै, साकोसकी ऋण उपसमितिका सदस्य प्रभा महर्जनले तालिमले सहभागीहरुको ज्ञान सीप र धारणामा परिवर्तन ल्याउने काम गरेको बताउनुभयो । उहाँले तालिमका विषय बस्तु अत्यन्तै सान्दर्भिक रहेको र यसले संस्थाको वित्तीय विश्लेषण, अभिलेख व्यवस्थापन, ऋण लगानी देखि असुली सम्मको प्रकृया स्पष्ट पारेको बताउनुभयो । तालिमले सञ्चालक समितीको काम कर्तव्य र जिम्मेवारी बारे पनि थप स्पष्ट भएको बताउनुभयो । 

तालिम सहजीकरण नेफ्स्कूनका बरिष्ठ तालिम अधिकृत कोमलराज अधिकारी र तालिम अधिकृत रविन्द्र श्रेष्ठले गर्नु भएको थियो ।