बाँके । लुम्बिनी प्रदेश बाँकेको ग्रामिण भेगमा पर्ने बैजनाथ गाउँपालिकामा सञ्चालित ग्रामिण विद्युत साकोसले नेफ्स्कूनद्वारा सञ्चालित जोखिममा आधारित साकोस सुपरिवेक्षण (कर्ब्स) कार्यक्रममा आबद्धता जनाएको छ । फागुन १८ गते साकोस कक्षमा आयोजित एक कार्यक्रमका बीच साकोसका अध्यक्ष सेर बहादुर बस्नेत र नेफ्स्कून बाँके सदस्य सेवा कार्यालयका इन्चार्ज छत्र प्रसाद जैसीले कार्यक्रम सम्झौतापत्रमा हस्ताक्षर गर्नुभएको थियो । 

कार्यक्रममा साकोसका उपाध्यक्ष बलध्वोज सलामी मगर, सञ्चालक समिति सदस्य द्वय परिमल राना, देवेन्द्र विष्ट र साकोसकी व्यवस्थापक कल्पना वस्नेतको उपस्थिति थियो । समुदायमा सञ्चालित ग्रामिण विद्युत साकोसले हाल १ हजार ४ सय ७८ सदस्यहरुमा वित्तीय सेवा प्रदान गरेको छ भने संस्थाको कुल वासलात ९ करोड ११ लाख पुगेको छ ।  

बाँकेमा पछिल्लो समय नेफ्स्कूनद्वारा सञ्चालित पूर्ण तथा व्यावसायिक साकोस विकास कार्यक्रम ‘प्रोबेशन’ र जोखिममा आधारित साकोस सुपरिवेक्षण कार्यक्रम ‘कर्ब्स’ मा आबद्धता बढ्दो क्रममा छ ।