नवलपरासी । कोल्हुवा मध्यवर्ती बचत तथा ऋण सहकारी संस्था लि, मध्यविन्दु २ नवलपरासीको नेपाल बचत तथा ऋण केन्द्रीय सहकारी संघ लि. (नेफ्स्कून) द्धारा सञ्चालित स्क्यान कार्यक्रम अन्तर्गत स्थलगत सुपरिवेक्षण कार्यक्रम मंसिर १३ गते सम्पन्न भएको छ । 

सुपरिवेक्षणको उद्देश्य सहकारीहरूलाई राज्य तथा नियामक निकायसँग समन्वय गर्दै नीति, निर्देशिका, मापदण्ड र कार्यविधिको प्रभावकारी कार्यान्वयनमा सक्षम बनाउनु, सदस्यहरूको आर्थिक सशक्तिकरणलाई प्रोत्साहन गर्नु र बचतकर्तामा विश्वास अभिवृद्धि गर्नु रहेको छ । निरीक्षणमा संस्थाको शेयर, बचत तथा ऋण व्यवस्थापन, सदस्यता प्रणाली, आन्तरिक सुशासन, लेखा प्रणाली, सूचना प्रविधि, सुरक्षण,MIS अद्यावधिक, सम्पत्ति शुद्धिकरण निवारण नीति (AML/CFT) र भाखा नाघेका ऋण असुलीका विषयहरू मूल्यांकन गरिएको थियो।

नेफ्स्कूनका तर्फबाट कार्यक्रम अधिकृत श्यामराजा तिमल्सिना, संस्थाको, व्यवस्थापक, संचालक समितिका पदाधिकारीहरु, लगायत अन्य तहका कर्मचारीहरुको सहभागीता रहेको थियो ।