मकवानपुर । नेपाल बचत तथा ऋण केन्द्रीय सहकारी संघ लि. (नेफ्स्कून) बाट नवयुवा बचत तथा ऋण सहकारी संस्था लि. हेटौडा उपमहानगरपालिका ११, नवलपुर मकवानपुरको स्क्यान अन्तर्गत पहिलो निरिक्षण तथा प्रोवेसन स्थलगत सुपरिवेक्षण पौष २२ गते सम्पन्न भएको छ । 

संस्थाको  स्क्यान प्रतिवेदन अनुसार जोखिम विवरण (प्रोफाइल) तयार गर्दै वित्तिय कानुनी जोखिमको अवस्था, वित्तिय जोखिम, बजार जोखिम तथा सुशासन जोखिमका विषयमा स्थलगतका क्रममा सुपरिवेक्षण गरिएको थियो । नेफ्स्कूनको स्तरीकरण कार्यक्रमको नियमित सुपरिवेक्षणबाट संस्थाको वित्तिय स्वस्थता विकास गर्न, जोखिम न्यूनीकरण गर्न, आन्तरिक सुदृढीकरण र व्यवसायिकतामा सहयोग पुगेको व्यवस्थापक नन्दलाल श्रेष्ठले बताउनुभयो  ।

सञ्चालक समिति पदाधिकारी तथा सदस्यहरु, व्यवस्थापनको सहभागिताका सञ्चालन भएको स्थलगत सुपरिवेक्षणका क्रममा संस्थाका अध्यक्ष  गोविन्द पुडासैनीले यस कार्यक्रमबाट संस्थाको वित्तीय सूचक सुधार , नियामकीय व्यवस्थाको अद्यावधिक गर्न, सुशासन कायम गर्न, सदस्यहरुको विश्वास तथा संरक्षणमा सहयोग पुगेको तथा निरन्तर मार्गदर्शनको अपेक्षा गरेको बताउनुभयो । नेफ्स्कूनको नियमित सुपरिवेक्षणबाट संस्थाको निरन्तर विकासमा साकोसको सञ्चालक र व्यवस्थापन सदैव सक्रिय रहने प्रतिवद्धता भयको छ । स्क्यान तथा प्रोवेसनको स्थलगत सुपरिवेक्षण नेफ्स्कूनका कार्यक्रम अधिकृत सोविता मैनाली र अनुगमन सहजकर्ता सुरेन्द्र श्रेष्ठले गर्नु भएको थियो  ।