सुनसरी । धरान उपमहानगरपालिका वडा न.६ पानबारी सुनसरी स्थित निसान बचत तथा ऋण सहकारी संस्था लि. नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारीहरुका लागि ल्याएको नियमित निरिक्षण तथा अनुगमन कार्यक्रम (स्क्यान) मा पौष २२ गते आबद्व भएको छ ।

संघको ३८औं स्थापना दिवसको दिन सार्वजनिक भएको नियमित निरिक्षण तथा अनुगमन कार्यक्रम (स्क्यान) ले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ । सहकारी ऐन २०७४ को व्यवस्था बमोजिम संघद्धारा यो कार्यक्रमको शुरुवात गरिएको थियो ।

आबद्ध संघ संस्थाहरुको नियमित रुपमा निरिक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न विगतका वर्षहरुमा सञ्चालित, एक्सेस,प्रोबेसन तथा कर्वस कार्यक्रमको सिकाइका आधारमा विकास गरिएको कार्यक्रम स्क्यानले आबद्ध सबै संस्थालाई अनुगमन सुपरिवेक्षण गर्ने लक्ष्य राखेको छ ।

निसान साकोसका अध्यक्ष शिव कटुवाल, उपाध्यक्ष विश्वराज कार्की, ब्यवस्थापनका कर्मचारीहरु र संघको तर्फबाट सदस्य सेवा बिभागका बिभागिय प्रमुख दुर्गा प्रसाद ढकाल,कार्यक्रम अधिकृत मुकेश दाहाल र अनुगमन सहायक डिल्लिराम तिम्सिनाको सहभागीता रहेको थियो । साकोसहरुको  थप गुणस्तर सुनिश्चितताका साथै जोखिमहरुको निराकरणका लागि यो कार्यक्रम ल्याईएको हो । साकोसका अध्यक्ष शिव कटुवालले तरलता जोखिम, बित्तीय जोखिम,बजार जोखिम, संचालन तथा सुशासन जोखिम,ऋण जोखिम र कानुनि जोखिमका बिषयहरु न्युनिकरणका लागि स्क्यान कार्यक्रमले साकोसलाई ब्यवस्थित गरि न्यून जोखिममा दैनिक कार्य संम्पादनमा सहयोग पुग्ने बिश्वास ब्यक्त गर्नुभयको छ ।