काठमाडौं । सिटी भिलेज बचत तथा ऋण सहकारी संस्था लि., न्यूरोड काठमाडौँको सञ्चालक तथा कर्मचारीहरुको क्षमता विकास तालिम माघ १६ गते सम्पन्न भएको छ । 

सिटी भिलेज साकोसको आयोजना र नेफ्स्कूनको प्राविधिक सहयोगमा मकवानपुरको मार्खुमा सञ्चालित एक दिवसीय तालिममा साकोसका शेयर सदस्य, सञ्चालक समिति, लेखा सुपरिवेक्षण समिति, व्यवस्थापन र सहजकर्ता सहित ३३ जनाको सहभागिता रहेको थियो ।

आयोजक साकोसका अध्यक्ष निर्मलहरि आचार्यले प्रभावकारी रुपमा संस्था सञ्चालनका लागि तालिम आवश्यक रहेको बताउँदै सिकाईलाई निरन्तरता दिन सकेमा मात्रै संस्थालाई पारदर्शि रुपमा सञ्चालन गर्न सकिने स्पष्ट पार्नुभयो। तालिम प्रभावकारी रहेको र तालिममा सिकेका कुरालाई कार्ययोजना बनाए अनुरुप कार्यान्वयन गर्न प्रतिवद्धता व्यक्त गर्नुभयो ।

एक दिवसीय तालिममा सम्पूर्ण पदाधिकारी, कर्मचारी तथा सदस्यहरुको उत्साहजनक र क्रियाशील सहभागिता रहेको थियो । तालिममा संस्थामा तत्काल गनुपर्ने कार्यहरुलाई सूचिबद्घ गरि कार्य योजना तयार गरिएको थियो । तालिमको सहजीकरण संघका कार्यक्रम अधिकृत सुमनराज घिमिरेले गर्नुभएको थियो ।