सुनसरी । बर्जु ५ सुनसरी स्थित प्रगती बचत तथा ऋण सहकारी संस्था लि.को आयोजना तथा नेपाल बचत तथा ऋण केन्द्रीय सहकारी संघ लि.(नेफ्स्कून) को प्राविधिक सहजीकरणमा दुइ दिवसीय लघु व्यवसाय खेल तालीम चैत्र ०६ गते सम्पन्न भएको छ । 

चैत्र ०४ गतेदेखि ०६ गतेसम्म सञ्चालित तालिममा साकोसका अध्यक्ष चन्दन कुमार चौधरीको अध्यक्षता रहेको थियो । २५ जनाको सहभागीता रहेको थियो भने तालिमको सहजीकरण नेफ्स्कून बरिष्ठ अधिकृत भरत प्रसाद न्यौपाने र कार्यक्रम अधिकृत सन्दिपराज ढकालले गर्नुभएको थियो ।

यो तालिम विश्वका विभिन्न देशहरूमा प्रयोग हुने अन्तरक्रियात्मक सिकाइ पद्धति मा आधारित छ, जसले सहभागीहरूलाई आफ्नो निर्णयको प्रत्यक्ष परिणाम बुझ्न र भविष्यका उद्यमि बन्ने निर्णयमा सुधार गर्न प्रेरित गर्छ । 

नेफ्स्कूनले सदस्य सस्थाको क्षमता विकासका लागि गर्ने सबै क्रियाकलापहरु अत्यन्तै सह्रानीय रहको तथा व्यवसाय विकास सेवा मार्फत सदस्यलाई उद्यमी बनाउने गरी जुन कार्यक्रम नेफ्स्कूनले सुरु गरेको छ त्यसले प्रगती साकोसलाई पनी सहयोग पुग्ने विश्वास लिएको साकोसका अध्यक्ष चन्दन कुमार चौधरीले बताउनुभयो । 

कार्यक्रम उपलब्धि मुलक रहेको व्यवसाय गरी रहेका र गर्ने सोच बनाई रहेका व्यक्तिहरुको लागि यस तालीमले सहयोग पुग्ने विश्वास र आगामी दिनमा पनी यस्ता तालीम कार्यक्रमहरु सञ्चालन गरीरहनु पर्ने । व्यवसाय सञ्चालन गर्न पैसाको साथ साथै  पैसा परिचालन गर्न सक्ने सीप, व्यवसायिक सीप र सोच पनी आवश्यक हुने सहभागीहरुले बताएका थिए ।