धादिङ । नेपाल बचत तथा ऋण केन्द्रीय सहकारी संघ लि. (नेफ्स्कून) धादिङ सदस्य सेवा केन्द्रको आयोजनामा व्यवसाय प्रर्बद्धन तथा व्यवस्थापकहरुसँग अन्तरकृया कार्यक्रम चैत्र २२ गते सम्पन्न भएको छ  ।

सहकारीमा देखिएका समस्याले हाल संस्था सञ्चालनमा पर्न गएको वित्तीय समस्या निराकरणका लागि यस क्षेत्रभित्र सञ्चालित साकोसहरुको वित्तीय स्थीति तथा सुशासनमा एकरुपता ल्याई मजबुत बनाउनका लागि अन्तरक्रृया कार्यक्रम तय गरिएको थियो । 

कार्यक्रममा नेफ्स्कूनद्धारा सञ्चालित नियमित निरीक्षण तथा अनुगमन (स्क्यान) कार्यक्रमका बारेमा छलफल भएको थियो र कार्यक्रमको परिचय, लक्ष्य, उद्धेश्य तथा साकोसहरुलाई नियमन तथा अनुगमनका आधारहरुमा समेत छलफल भएको थियो । साथै नेफ्स्कूनको धादिङ सदस्य सेवा केन्द्र कलंकि सदस्य सेवा कार्यालयसँग २०८३ वैशाख १ गतेबाट लागु हुनेगरी मर्ज हुने भएको छ । मर्ज पश्चात धादिङ सदस्य सेवा कार्यालय अन्तर्रगतका सदस्य संस्थाहरुले कंलकी सदस्य सेवा कार्यालयबाट सेवा सञ्चालन गर्नुहून नेफ्स्कून धादिङ सेवा केन्द्रका प्रमुख विक्रम रिजालले बताउनुभयो । 

१३ वटा साकोसको उपस्थितीमा नेफ्स्कूनका व्यवसाय अधिकृत बिदुर खड्का, सुर्य प्रसाद तिमल्सेना र कलंकि सदस्य सेवा कार्यालय प्रमुख मनोज कार्कीले सहजीकरण गर्नुभएको थियो ।