खैरेनीटार । नेफ्स्कून खैरेनीटार सदस्य सेवा कार्यालयको आयोजनामा व्यवस्थापक एवंम् अध्यक्षहरुसंगको अन्तरक्रिया कार्यक्रम चैत्र २६ गते सम्पन्न भएको छ । 

कार्यक्रममा सहकारी संघ संस्थाका सञ्चालक समिति तथा उच्च व्यवस्थापन प्रमुख गरी २६ सहकारी अभियन्ता तथा कर्मचारीको सहभागिता रहेको थियो । नेफ्स्कूनका सञ्चालक समिति एवंम् पोखरा सदस्य सेवा कार्यालयका सञ्चालक कमलादेवि गिरीले तालिमको अध्यक्षता गर्नुभएको थियो । साथै अन्तरक्रिया कार्यक्रममा सहकारीको हालको अवस्थालाई मध्यनजर गर्दै बचत तथा ऋणको कारोबार गर्ने संस्थाहरुको लागि कुनै पनि प्रकारको जोखिममा नरहि नेफ्स्कूनसंग रहेको स्क्यान कार्यक्रम देखि विभिन्न कार्यक्रमहरुको विषयमा जानकारी दिदैं नेफ्स्कून सेवा केन्द्र खैरेनिटार एकिकरण हुने सम्बन्धमा उपस्थित प्रतिनिधिहरुलाई प्रष्ट पार्नुभएको थियो साथै दैनिक कारोबार सहजिकरणमा कत्तिपनि कमि हुन नदिने प्रतिवद्धता व्यक्त गर्नुभएको थियो ।  

कार्यक्रममा पोखरा सदस्य सेवा कार्यलय प्रमुख सुरज चालिसेले सेवा केन्द्र मात्र एकिकरण हुन लागेको तर नटाढिएको कुरा बिषयमा अझ प्रस्ट पार्दै कारोबार गर्न कत्तिपनि नडराउन र अझ प्रभावशालि र डिजिटल माध्यमबाट कारोबार गर्न पनि आग्रह गर्नुभएको थियो साथै शेयर थप एवंम नियमित बचतको बिषयमा पनि जोड दिनुभएको थियो भने संस्थाहरुको नियमित निरिक्षणको लागि स्क्यान कार्यक्रममा गई संस्था चुस्त र दुरुस्त बनाउन आग्रह गर्नुभयो ।

खैरेनिटार सेवा केन्द्र ईन्चाज दिपक आचार्यले कार्यक्रम सञ्चालन संगै उपस्थित सम्पूर्णमा  बिगत ६ बर्ष देखि खैरेनिटार सेवा केन्द्रमा सदस्य भई नियमित कारोबारका साथै नेफ्स्कूनले उपलब्ध गराउँदै आएको कार्यक्रम तथा सेवाहरुमा निरन्तर साथ दिनुभएकोमा धन्यवाद प्रकट गर्नुभयो र सेवाकेन्द्र बाट प्रभाह हुदै आएको सम्पुर्ण सेवा सुविधा २०८३ बैशाख १ गते देखि पोखरा सदस्य सेवा कार्यालयबाट हुने प्रष्ट पार्नुभयो । साथै नयाँ बर्ष २०८३ सालको शुभकामना संगै कार्यक्रमको व्यवस्थापन गौरब पौडेलले गर्नुभएको थियो ।