काठमाडौं  । ज्वालामुखी गाउँपालिका–६, साँधभञ्ज्याङ, धादिङ स्थित संगम आयआर्जन बचत तथा ऋण सहकारी संस्था लिमिटेडसँग नेफ्स्कूनद्धारा सञ्चालित स्क्यान (SCAN) कार्यक्रम सञ्चालनका लागि सम्झौता नेफ्स्कूनको केन्द्रीय कार्यालयमा श्रावण १२ गते भएको छ ।

करिब १,७०० सदस्य रहेको उक्त सहकारी संस्था २०७५ सालदेखि नेफ्स्कूनद्वारा सञ्चालित जोखिममा आधारित साकोस सुपरिवेक्षण कार्यक्रममा सहभागी हुँदै आएको छ । संस्थाले कार्यक्रम मार्फत संस्थागत सुशासन, वित्तीय अनुशासन तथा व्यवस्थापकीय क्षमता अभिवृद्धिका लागि निरन्तर अभ्यास गर्दै आएको थियो । 

सम्झौतासँगै संगम आयआर्जन साकोसले स्क्यान कार्यक्रम मार्फत संस्थागत कार्यसम्पादनको थप मूल्याङ्कन, क्षमता विकास तथा सेवा प्रवाहलाई अझ प्रभावकारी बनाउने अपेक्षा गरिएको छ ।

नेफ्स्कूनले सहकारी संस्थाहरूको संस्थागत सुदृढीकरण, जोखिम व्यवस्थापन तथा दिगो विकासलाई टेवा पु¥याउने उद्देश्यले स्क्यान कार्यक्रम सञ्चालन गर्दै आएको हो ।

सम्झौताका क्रममा नेफ्स्कूनका सहायक कार्यकारी अधिकृत दुर्गा प्रसाद ढकाल, कार्यक्रम अधिकृत सन्दिप राज ढकाल, व्यवसाय अधिकृत विदुर खड्का, व्यवसाय सहायक विक्रम रिमाल र साकोसका अध्यक्ष  व्यवस्थापक मिलन कुमार शाहीको उपस्थिति रहेको थियो ।