सुनसरी । सुनसरीको इटहरीमा प्रस्तावित बचत सहकारी बैंक स्थापना सम्बन्धमा छलफल कार्यक्रम भएको छ । किसान कल्याण बचत तथा ऋण सहकारी संस्था लिमिटेड, इटहरी, सुनसरीको सभा हलमा असोज ०७ गते कार्यक्रम आयोजना गरिएको हो ।

नेपाल बचत तथा ऋण केन्द्रीय सहकारी संघ लिमिटेड (नेफ्स्कून) का उपाध्यक्ष तथा प्रस्तावित बचत सहकारी बैंक स्थापना कार्यदलका संयोजक शान्ति अधिकारीको अध्यक्षतामा सम्पन्न कार्यक्रमको सञ्चालन नेफ्स्कूनका सञ्चालक सदस्य शालिकराम ढकालले गर्नुभएको थियो । कार्यक्रममा बचत तथा ऋण सहकारी संघ लिमिटेड, सुनसरीकी अध्यक्ष गोमा कुमारी गिरीले स्वागत मन्तव्य राख्नुभएको थियो ।

सुनसरी क्षेत्रका विभिन्न बचत तथा ऋण सहकारी संस्थाबाट करिब ५० जनाको सहभागिता रहेको कार्यक्रममा नेफ्स्कूनका सञ्चालक सदस्य तथा प्रस्तावित बचत सहकारी बैंक स्थापना कार्यदलका सदस्य खेम राज सुवेदीले बचत सहकारी बैंक स्थापना गर्नुपर्ने औचित्यसम्बन्धी पत्र प्रस्तुत गर्नुभएको थियो । 

त्यस्तै, बागमती प्रदेश बचत तथा ऋण सहकारी संघ लिमिटेडका अध्यक्ष तथा प्रस्तावित बचत सहकारी बैंक स्थापना कार्यदलका सदस्य उद्धव सापकोटाले बैंक स्थापनाको आवश्यकता, औचित्य तथा महत्त्वबारे आफ्नो धारणा प्रस्तुत गर्नुभएको थियो ।

कार्यक्रममा सहकारी महासंघकी सदस्य योगमाया सुवेदी तथा सेवा साकोसका अध्यक्ष एवं सुनसरी सदस्य सेवा कार्यालय व्यवस्थापन उपसमिति सदस्य प्रदीप पोख्रेलले समेत आफ्नो धारणा राख्नुभएको थियो । सहभागीका तर्फबाट पनि बैंक स्थापनासम्बन्धी विभिन्न सुझाव तथा धारणा प्रस्तुत गरिएको थियो ।

कार्यक्रममा संघका वरिष्ठ अधिकृत भरतप्रसाद न्यौपाने, कार्यक्रम अनुगमन अधिकृत मुकेश दाहाल, व्यवसाय अधिकृत रिषभराज रेग्मी तथा व्यवसाय सहायक रामहरि भट्टराईको समेत उपस्थिति रहेको थियो ।