काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) ले ताइवानमा आयोजना हुने कार्यक्रमका सहभागीहरूको हवाई टिकट तथा स्थानीय यातायात व्यवस्थापनका लागि सिलबन्दी दरभाउपत्र आह्वान गरेको छ।

संघको वार्षिक योजना तथा कार्यक्रमअन्तर्गत ताइवान केन्द्रीय संघको आमन्त्रण र सञ्चालक समितिको निर्णयबमोजिम सहभागी हुने चार जनाका लागि दुईतर्फी हवाई टिकट तथा स्थानीय यातायात सेवा उपलब्ध गराउन इच्छुक दर्तावाला कम्पनी तथा ट्राभल एजेन्सीहरूबाट दरभाउपत्र माग गरिएको हो।

प्रकाशित सूचनाअनुसार २०८३ कार्तिक १६ गतेदेखि २० गतेसम्म काठमाडौं–ताइवान–काठमाडौं यात्राका लागि आवश्यक सेवा व्यवस्थापन गर्नुपर्नेछ।

इच्छुक कम्पनी तथा ट्राभल एजेन्सीहरूले सूचना प्रथम पटक प्रकाशित भएको मितिले सात दिनभित्र आवश्यक कागजातसहित सिलबन्दी दरभाउपत्र पेस गर्नुपर्नेछ। दरभाउपत्र बुझाउने अन्तिम मिति २०८३ कार्तिक ७ गते कार्यालय समयभित्र तोकिएको छ।

दरभाउपत्रसाथ कम्पनी वा फर्मको दर्ता प्रमाणपत्र, इजाजतपत्र, स्थायी लेखा नम्बर प्रमाणपत्र तथा पछिल्लो आर्थिक वर्षको कर चुक्ता प्रमाणपत्र संलग्न गर्नुपर्नेछ।

तोकिएको अवधिभित्र प्राप्त नभएका वा रीत नपुगेका दरभाउपत्रउपर कुनै कारबाही नहुने सूचनामा उल्लेख छ। त्यस्तै, दरभाउपत्र आंशिक वा पूर्ण रूपमा स्वीकृत वा अस्वीकृत गर्ने अधिकार संघमा सुरक्षित रहने जनाइएको छ।

थप जानकारीका लागि:
नेपाल बचत तथा ऋण केन्द्रीय सहकारी संघ लि. (नेफ्स्कून)  
📍 मिनभवन, काठमाडौं  
📧 nefscun@nefscun.org.np  
📧 procurement.nefscun@gmail.com  
🌐 www.nefscun.org.np