दाङ । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) सदस्य सेवा कार्यालय, घोराही, दाङको आयोजनामा नियमित निरीक्षण अनुगमन (स्क्यान) अभिमुखीकरण कार्यक्रम सम्पन्न भएको छ । 

कार्यक्रमको सहजीकरण गर्दै नेफ्स्कूनका प्रमुख कार्यकारी अधिकृत डा. शिवजी सापकोटाले संघ÷संस्थाहरुको नियमित रुपमा निरीक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न, स्तरीकरण कार्यक्रम एक्सेस, प्रोवेशन तथा कब्र्स गुणस्तर सुनिश्चितता, जोखिम सुपरिवेक्षण, व्यवस्थापकीय क्षमता विकास, स्वःनियमन सक्षमता विकासको लागि नयाँ परिमार्जन कार्यक्रम -SCAN) सञ्चालनमा ल्याएको विषयमा सहजीकरण गर्दै नेफ्स्कूनको सञ्चालक समितिमा निर्णय समेत भई सकेको विषयमा जानकारी गराउनु भयो । जसरी मानिसले स्वास्थ्य अवस्थाको बारेमा चेकजाँच गराउनका लागि ल्यावमा गएर विभिन्न जाँच गराएर स्वास्थ्यको अवस्थाका बारेमा जानकारी लिन्छ ठीक त्यसै गरी स्क्यान कार्यक्रमले संस्थाको अवस्थाका बारेमा नियमित निरीक्षण अनुगमन गरी संस्थाको अवस्थाको विभिन्न सूचकहरुको आधारमा चेकजाँच गरी संस्था कुन अवस्थामा रहेको छ सो विषयमा जानकारी गराउने कुरा बताउनु भयो । कार्यक्रममा संस्थाको वासलातको आधारमा शुल्क निर्धारण हुने र निरीक्षण हुने विषयमा जानकारी गराउनु भएको थियो । 

संघका अध्यक्ष चन्द्र प्रसाद ढकालको अध्यक्षतामा भएको अभिमुखीकरण कार्यक्रममा सहकारीका समसामयिक बिषयबस्तु, सहकारी नियमन प्राधिकरणमा संस्था दर्ता गर्नुपर्ने बिषय, प्रक्रियाका बारेमा साथै संशोधिन सहकारी ऐन, नियमावली, नियामक निकायबाट जारी भएका मापदण्ड, निर्देशन बमोजिम चल्नुपर्ने विषयमा जानकारी लिई संस्था सञ्चालन गर्ने विषयमा जानकारी गराउँदै कार्यक्रममा सहभागि साकोसका व्यवस्थापक र अध्यक्षहरुबाट उठेका जिज्ञासा र प्रश्नहरुको विषयमा सम्बोधन गर्दै सकारात्मक सुझावहरुका लागि विशेष धन्यवाद ज्ञापन गर्नु भएको थियो । 

कार्यक्रममा उपस्थित दाङ जिल्ला बचत तथा ऋण सहकारी संघका अध्यक्ष बिमल अधिकारीले नेफ्स्कूनले सञ्चालनमा ल्याउन लागेको स्क्यान कार्यक्रमको बारेमा रोगलागेपछि अस्पताल जानुभन्दा रोग लाग्नु भन्दा पहिला नै समय समयमै चेकजाँच गरी स्वास्थ्य अवस्थाको बारेमा जानकारी लिएजस्तै संस्था बिग्रीसकेपछि पश्चाताप गर्नु भन्दा पहिले नै संस्थाको समय समयमा वित्तिय अवस्थाको चेकजाँच गरी जोखिम पहिचान गर्नु प्रभावकारी रहने बताउनु भयो ।  

कार्यक्रममा विभिन्न साकोसहरुका अध्यक्ष, साकोसका प्रतिनिधी, व्यवस्थापक, नेफ्स्कून प्राचार्य बल्लभ तिमल्सिना, कर्मचारीहरु गरी जम्मा ५९ जनाको सहभागिता रहेको थियो ।