काठमाडौं । विश्व क्रेडिट युनियन अभियानको सबैभन्दा प्रतिष्ठित सम्मान Distinguished Service Award (डिएसए) आइरिस तथा ब्रालिलियन क्रेडिट युनियन स्वयंसेवीहरु क्रमशः टेड (टिमोथी) ओ सुलिभन र आर्नल्डो जार्डिमलाई संयुक्त रुपमा प्रदान गरिएको छ ।

अमेरिकाको बोस्टनमा आयोजित विश्व ऋण परिषद् (ओकू) को वार्षिक साधारण सभाका अवसरमा दुई अभियन्तालाई उक्त सम्मान प्रदान गरिएको हो ।

ओकूले प्रदान गर्ने विश्व क्रेडिट युनियनको सबैभन्दा ठूलो सम्मान हो । क्रेडिट युनियन अभियानको विकास र प्रवर्धनमा महत्वपूर्ण भूमिका निर्वाह गर्ने ओकूको सदस्य संघ संस्था सम्वद्ध अभियन्तालाई यो सम्मान प्रदान गरिदैं आएको छ । खासगरी आफ्नो मुलुकबाहिरको क्रेडिट युनियन अभियानको प्रवर्धन र विकासमा उल्लेख्य योगदान पुर्याउने व्यक्ति एवम् संस्थालाई उक्त सम्मान प्रदान गरिदैं आएको छ ।

ओकूले विशेषत आफ्नो उद्देश्य र योजनाअनुरुप क्रेडिट युनियनमार्फत वित्तीय समावेशीता प्रवर्धनमा भूमिका खेल्ने व्यक्ति अथवा संस्थालाई सम्मानित गर्ने गर्दछ । सम्मानका लागि ओकूले विश्वभरका आफ्ना सदस्य संस्थाहरुलाई यस्तो भूमिका निर्वाह गर्ने व्यक्ति वा संस्था मनोनयन गरी पठाउन आग्रह गरेको थियो ।  

टेडले लामो समयदेखि एलिभेट क्रेडिट युनिनयका सञ्चालक समितिमा स्वयंसेवी भूमिका निर्वाह गर्दै आउनुभएको छ । पुरस्कारका लाग उहाँलाई आयरल्याण्डको केन्द्रीय बचत संघ आइरिस लीग अफ क्रेडिट युनियन (आइएलसीयू) ले सिफारिश गरेको थियो । उहाँले आइएलसीयू अन्तर्गतको .....मा रही इथोपिया, गाम्बिया, सियरा लियोन, युगाण्डा लगायतका अफ्रिकी मुलुकमा क्रेडिट अभियानको विकास र प्रवर्धनमा १५ वर्ष भूमिका खेल्नुभएको छ । 

यसैगरी, ब्राजिलको क्रेडिट युनियनहरुको केन्द्रीय संघ सिक्रेडीको सिफारिशमा जार्डिमले ब्राजिल तथा ल्याटिन अमेरिकी मुलुकहरुमा सहकारीहरुमार्फत जलवायु परिवर्तनको मुद्दाहरुमा बहसपैरवी गर्दै आउनुभएको छ ।

अघिल्लो वर्ष उक्त सम्मान ओकूका पूर्व प्रमुख कार्यकारी अधिकृत ब्रायन ब्राञ्च र युक्रेनी फेडेरल क्रेडिट युनियनका प्रमुख कार्यकारी अधिकृत ओलेग लेबेड्कोले प्राप्त गर्नुभएको थियो । क्रेडिट युनियन क्षेत्रको नोबेल पुरस्कार मानिने यो सम्मान ओकूले सन् १९८६ बाट प्रदान गर्दै आएको छ ।