एजेन्सी । छिमेकी मुलुक भारतमा आज बजेट सार्वजनिक भएको छ । वित्तमन्त्री निर्मला सितारमणले सार्वजनिक गर्नुभएको आर्थिक वर्ष सन् २०२४÷२५ को बजेटमा सहकारी क्षेत्रको व्यवस्थित, वैज्ञानिक एवम् सर्वपक्षीय विकासका लागि केन्द्र सरकारले नयाँ राष्ट्रिय सहकारिता नीति ल्याउने जानकारी उहाँले गराउनुभयो । उक्त नीतिको मुल उद्देश्य ग्रामीण अर्थव्यवस्थाको द्रुत विकास तथा रोजागरीको ठूला अवसरहरु सृजना गर्ने रहेको उहाँले बताउनुभयो ।

त्यसैगरी बजेटमा तरकारी वितरण प्रणालीलाई थप व्यवस्थित गर्न सहकारीहरुको प्रवर्धन गरिने वित्तमन्त्री सितारमणले घोषणा गर्नुभयो । वितरण प्रणाली व्यवस्थित गर्न तथा मुल्य स्थिरता कायम गर्न सहकारीहरुको प्रवर्धनमा जोड दिने विषय बजेटमा उल्लेख छ ।