कञ्चनपुर । संघको कञ्चनपुर सदस्य सेवा कार्यालयको आयोजनामा सञ्चालित बचत तथा ऋण सहकारी संस्थाहरुलाई लक्षित गरी आयोजना गरिएको तिन दिवसीय पर्ल्स अनुगमन प्रणाली तालिम बैशाख २५ गते कञ्चनपुरमा सम्पन्न भएको छ । 

नेफस्कूनका सञ्चालक सदस्य दिप्ती शाहिको प्रमुख आतिथ्यतामा तालिमको समापन भएको थियो । उक्त सत्रमा कैलाली जिल्ला संघका लेखा सुपरिवेक्षण संयोजक मनमोहन विष्ट कञ्चनपुर को–अपरेटिभ म्यानेजर्स क्लबका अध्यक्ष गणेश दत्त भट्ट, कञ्चनपुर को–अपरेटिभ म्यानेजर्स क्लबका पदाधिकारीहरु लगायत विभिन्न सहकारीकर्मीहरुको  उपस्थिति रहेको थियो । 

स्वागत मतब्य कैलाली जिल्ला संघका लेखा सुपरिबेक्षण संयोजक मनमोहन विष्टले गनुभएको थियो ।

सञ्चालक दिप्ती शाहीले सहकारीमा वित्तीय संकट जुनसुकै समयमा आउने भएकोले पर्ल्सका सुचकलाई आधार मानेर वित्तिय जोखिम पहिचान गनुपर्नेमा जोड दिनुभयो । संस्थाहरुमा जोखिम न्यूनिकरण गरी सुशासन कायम गर्न तालिमका सहभागी प्रतिनिधिहरुलाई अनुरोध गर्नुभयो । 

तालिममा कञ्चनपुर र कैलाली जिल्लाका १६ वटा साकोसहरुबाट १७ जनाको सहभागिता रहेको थियो । तालिम सहजिकरण संघका बरिष्ठ अधिकृत कोमल राज अधिकारीले गर्नुभएको थियो ।